AFP nagdagdag ng naval assets sa West Philippine Sea
MANILA, Philippines — Nagdagdag na ng naval assets ang Armed Forces of the Philippines (AFP) matapos na maberipika na mayroon pang 183 na Chinese vessels sa Julian Felipe Reef.
Sa pagharap sa Commission on Appointment (CA), sinabi ni AFP Chief of Staff Gen. Cirilito Sobejana, para ito sa increase visibility ng Philippine Navy upang masiguro ang seguridad at kaligtasan ng mga Pilipinong mangingisda.
Bukod dito ayon pa kay Sobejana, ito ay para mabantayan din ang marine resources at ang integridad ng teritoryo ng bansa at hindi nila kinukunsinti ang incursions ng mga Chinese sa territorial water ng Pilipinas.
Idinagdag pa niya sa pagdinig na nakunan nila ang mga barko na mas madami pa umano noon sa nakita nila sa karagatan ng Sulu at naka- military information pa ang mga ito.
Kaya pinag-aaralan nila sa AFP kung bakit ganoon ang kanilang porma, kaya inireport nila ito kay Defense Secretary Delfin Lorenzana at sa National Task Force on the West Philippine Sea.
Ayon pa kay Sobejana sa mga Senador at Kongresista na inimbitahan na ng AFP ang defense attache ng China para kausapin sa sitwasyon sa West Philippine Sea, subalit hindi siya nakadalo dahil humarap na siya sa CA para sa nominasyon niya tungkol sa ranggong Heneral.
- Latest
