Body camera ng mga pulis magagamit na sa Abril
MANILA, Philippines — Magagamit na sa Abril ang mga body cameras na ilalaan para sa mga police operations.
Inihayag ito ni Presidential Spokesperson Harry Roque sa gitna ng kritisis-mo na tinatanggap ng pulisya dahil sa pagkamatay ng 9 na aktibista sa magkakahiwalay na operasyon ng pulisya noong nakaraang Linggo sa Calabarzon.
Sinabi ni Roque na nagsasanay na ang kapulisan para sa paggamit ng body cams at magagamit na ito sa Abril.
Wika pa ni Roque na layunin ng body cams na maiwasan ang pagdudu-da ng taumbayan lalo na kung mayroong napatay sa operasyon.
Aminado rin si Roque na hindi maaaring magsinungaling ang body cam na maituturing na isang physical evidence.
“Nang maiwasan na po iyong pagduda ng taumbayan kung ano talaga ang mga pangyayari ‘pag mayroon pong napatay. Kasi ‘yang body cam po ay physical evidence at hindi po magsisinungaling ang physical evidence,” ani Roque.
- Latest