MANILA, Philippines — Epektibo sa Enero 1, 2021 ay magpapatupad ng bawas sa singil sa tubig ang dalawang water concessionaire na Maynilad at Manila Water sa milyon nilang customers sa Metro Manila at karatig lalawigan.
Ayon sa Manila Water, aabutin ng P0.14 kada cubic meter ang bawas nila sa singil sa tubig at sa Maynilad naman ay P0.05 kada cubic meter sa pagpasok ng Enero ng susunod na taon.
Ang bawas singil ay dulot ng “foreign currency differential adjustment” (FCDA) dahil lumakas ang piso kontra US dollar at Japanese yen.
Balik na ang normal na suplay ng tubig sa mga customer ng Maynilad Water na nakaranas ng water interruption dahil sa ginawang paglilinis ng basin na pinasok ng bulto ng putik ang kanilang planta sa La Mesa Dam sa Quezon City.