Villar, richest senator pa rin
MANILA, Philippines — Si Sen. Cynthia Villar pa rin ang nananatiling pinakamayaman habang si Sen. Leila de Lima ang pinakamahirap sa 24 Senador ng Pilipinas.
Ito ay base sa kanilang 2019 Statement of Assets, Liabilities and Networth (SALN) kung saan naitala na P3.8 bilyon ang ari-arian ni Villar at walang anumang pagkakautang.
Sumunod sa kanya si Sen. Manny Pacquiao na P3.1 bilyon, pangatlo si Senate President Pro Tempore Ralph Recto (P567.4-M), Senate Majority Leader Juan Miguel Zubiri (P203.6-M).
Sen. Ramon ‘Bong’ Revilla Jr., (P176.3-M), Sen. Sonny Angara (P142.2-M); Senate Minority Leader Franklin Drilon (P102.2-M); Sen. Grace Poe (P97.6-M); Sen. Sherwin Gatchalian (P95.4-M).
Pang-10 si Sen. Pia Cayetano, P82.7-M; Senate President Vicente Sotto III, P77.7-M; Sen. Richard Gordon (P71.2-M); Sen. Manuel ‘Lito’ Lapid (P70.9-M); Sen. Francis Tolentino (P61.1-M) at Sen. Nancy Binay (P60.3-M).
Pang-16 naman si Sen. Panfilo Lacson (P48.9-M); Sen. Aquilino ‘Koko’ Pimentel (P36.3-M); Sen. Imee Marcos (P34-M); Sen. Ronald ‘Bato’ dela Rosa (P33-M) at Sen. Joel Villanueva (P30.2-M).
Nasa ika-21 puwesto si Sen. Francis Pangilinan (P19.9-M); Sen. Christopher ‘Bong’ Go (P18.3-M); Sen. Risa Hontiveros, na wala rin naiulat na utang (P16-M) at Sen. Leila de Lima (P8.3-M).
Ito na ang walong sunod na taon na kinilala si Villar na pinakamayaman na senador.
- Latest
