3 gamot tinanggal sa ‘clinical trial’ ng WHO
MANILA, Philippines — Itinigil na ng Department of Health (DOH) ang pag-recruit ng mga pasyenteng sasali sa ‘solidarity clinical trial’ para sa tatlong gamot na tinang-gal na sa listahan ng World Health Organization (WHO) makaraang mapatunayan na hindi epektibo laban sa COVID-19.
Kabilang sa mga tinanggal ang anti-cancer na gamot na interferon maging ang hydroxychloroquine at lopinavir/ritonavir.
Sa kabila nito, isang anti-cancer na gamot na acalabrutinib ang bagong idinagdag ng WHO para isailalim sa trials kasama ang remdesivir.
Ang acalabrutinib ay isang gamot na gamit sa Myelofibrosis, Ovarian Cancer, multiple Myeloma at Hodgkin Lymphoma. Ginagamit rin ito sa ‘respiratory distress’ at pagpapalakas sa ‘immune response’ ng mga pasyente.
Sa talaan ng DOH, nasa 1,146 pasyente na ang na-recruit ng pamahalaan para sa solidarity trial nitong Oktubre 12. Nasa 588 sa kanila ay nasa mga pampublikong pagamutan habang 558 naman sa mga pribadong ospital.
- Latest