Maagang pagboto ng 10 million seniors, PWDs isinulong
MANILA, Philippines — Isinulong ni Sen. Sonny Angara na makaboto ng maaga sa susunod na eleksiyon ang nasa 10 milyong senior citizens at persons with disabilities (PWDs) upang matiyak ang kanilang kaligtasan mula sa COVID-19 pandemic.
Nangangamba si Angara na mas lalong mababawasan ang mga seniors at PWDs na lalahok sa halalan dahil sa panganib sa kanilang kalusugan.
Kabilang aniya sa mga problemang kinakaharap ng mga seniors at PWDs tuwing may halalan ang pagpunta at pagpila sa mga presinto.
Naniniwala rin si Angara na mas magiging mabilis din ang pagboto at mababawasan ang pila kung mauunang bumoto ang mga seniors at PWDs sa hiwalay na araw.
Bukod sa maagang pagboto ng mga seniors at PWDs, pinatitingnan din ni Angara sa Commission on Elections ang posibilidad na magkaroon sila ng mas accessible na mga polling places na hindi na kailangang umakyat ng hagdan.
- Latest
