Lifestyle check sa public officials ipinatigil ng Ombudsman
MANILA, Philippines — Ipinatigil ni Ombudsman Samuel Martires ang pagsasagawa ng lifestyle check sa mga public officials dahil hindi naman nito mapapatunayan ang pagiging korap ng isang opisyales ng gobyerno.
Sinabi ni Martires na mas nais niyang maamyendahan ng Kongreso ang RA 6713 na nagpapatupad ng lifestyle check dahil may ilang probisyon nito ay malabo at walang hulog sa logic.
“Bakit ko pinatigil? What is living beyond your means? Iyong kumikita ng P50,000 a month, lives in a small house, nakaipon, bumili ng BMW na promo, zero interest, kayang-kaya niya hulugan, is he living beyond his means? I don’t think so. What he has are distorted values and distorted priorities,” dagdag ni Martires.
Ang pahayag ay sinabi ni Martires tatlong linggo makaraang pagbawalan niya ang pag-access ng publiko sa Statements of Assets, Liabilities and Net worth (SALN) ng mga public officials na naisampa sa Ombudsman.
“Anong pakialam natin? Bakit natin siya huhusgahan na bumili ng BMW kahit ang bahay niya walang paradahan? Anong pakia-lam natin sa buhay ng may buhay kung hindi naman siya nagnanakaw? We have to redefine what is living beyond your means. What is simple living to me may not be simple living to you or anyone,” sabi pa ni Martires.
Niliwanag din nito na ang SALN ay hindi maa-ring magamit sa pagsasakdal sa kasong katiwalian.
“Saan ba gagamitin ang SALN? Ginagamit lang ang SALN para siraan ang opisyal ng pamahalaan,” sinabi pa ni Martires.
Related video:
- Latest