Apela ng mga health workers pakinggan - Lacson
MANILA, Philippines — Iginiit kahapon ni Sen. Panfilo “Ping” Lacson na dapat pakinggan ng gobyerno ang apela ng mga health care workers na ilagay muna sa enhanced community quarantine (ECQ) ang Metro Manila sa susunod na dalawang linggo.
Ayon kay Lacson, may batayan at dapat seryosohin ng Malacañang ang apela dahil dapat mas bigyan ng konsiderasyon ang buhay.
“The request of health workers to place Mega Manila under ECQ for at least two weeks is a valid request that Malacañang should seriously consider. Putting human lives above all considerations is a no-brainer, given the choice,” ani Lacson.
Dagdag ni Lacson na dapat magkaroon din ng pagbabago sa pamamahagi ng tulong sa mga pinaka-nangangailangan.
Ang mahalaga aniya ay mapigilan ang pattern ng patuloy na pagtaas ng mga nagkakaroon ng impeksiyon araw-araw.
Sa mahigit na apat na buwan, dapat ay maayos na ang data management ng mga kinauukulang ahensiya ng gobyerno, wika pa ng senador.
- Latest