MANILA, Philippines — Pabor si Senador Bong Go na palawigin pa nang ilang linggo ang ipinapatupad na Enhanced Community Quarantine (ECQ) na matatapos na sa Abril 14.
Paliwanag ni Go, dahil may kapasidad na ang gobyerno na magsagawa ng testing kaya patuloy ang paglaki ng bilang ng mga nagpopositibo sa coronavirus.
Dahil dito kaya dapat lamang umanong palawigin pa ang ECQ ng ilang linggo na magtatapos na sana sa Abril 14.
Suhestyon din ng Senador na, dapat na ihiwalay ang lahat ng mga may COVID-19 sa komunidad para mabilis na mapigilan ang paglaganap ng nasabing virus.
Kasabay nito, nakiusap din si Go sa mga Pilipino na manatili sa bahay at sundin ang protocols dahil ang kooperasyon at pagkakaisa ng bansa ang tanging panlaban sa COVID-19.