Sen. Go nanawagan ng bayanihan
MANILA, Philippines — Nanawagan si Senator Christopher Lawrence “Bong” Go sa lahat ng Filipino na gawin ang lahat ng magagawa para makatulong sa ating mga kababayan sa gitna ng paglaganap ng COVID-19 sa bansa.
“Hindi na po importante kanino galing (ang tulong), ang importante po ay makarating (sa dapat tulungan),” ani Go.
Sa panayam ng radyo, sinabi ni Go na mahalagang matiyak na ang mga tulong ay makarating sa mga totoong nangangailangan lalo ngayong lumalakas ang panawagan sa mga pribadong sektor para mag-donate ng medical supplies, personal protective equipment (PPEs) at relief goods.
“Hindi importante ang recognition sa pagtulong,” ani Go sa pagsasabing mas importante ang responsibilidad ng bawat Filipino sa pagtulong para maresolba agad ang krisis.
Tiniyak ni Go na ang kanyang opisina ay lagi ring nakahanda upang magsilbing tulay ng mga pribadong kompanya at indibidwal na nais magdonasyon ng ayuda.
- Latest