COVID sa Pinas, sumampa sa higit 1K
MANILA, Philippines — Umakyat na sa mahigit 1,000 ang bilang ng mga apektado ng COVID-19 sa Pilipinas.
Sa huling datos ng Department of Health (DOH) hanggang alas-4:00 ng hapon kahapon (March 28), nasa kabuuang 1,075 na ang COVID-19 cases sa bansa matapos madagdagan ng 272 COVID-19 positive patients sa magdamag.
Ito na ang pinakamataas na naitalang kaso ng virus sa bansa sa loob lamang ng 24 oras.
Samantala, 14 pang pasyente ang nasawi dahilan para umakyat sa kabuuang bilang na 68 ang death toll.
Apat naman ang nakarekober o nagnegatibo na sa nakakahawang virus.
Sa ngayon, nasa 35 ang total recoveries ng COVID-19 sa bansa.
- Latest