MANILA, Philippines – Nakinabang ang may 105,000 pensioners ng Social Security System (SSS) sa enhanced Pension Loan Program (PLP) na umabot na sa P3.5 bilyong halaga ng pautang para rito.
Ayon kay SSS President at Chief Executive Officer Aurora C. Ignacio na ang pagtaas ng PLP disbursement ay bunga ng pinalawak na sakop ng programa na pinapayagan ang mga qualified retiree-pensioners na makautang ng maximum amount equivalent ng 12 times ng kanilang pension na umaabot sa P200,000.
Layon ng PLP na mabigyan ng mabilis na financial assistance ang mga pensioners na kailangang magkaroon ng dagdag na cash para sa kanilang basic monthly pension (BMP).
Ang SSS Diliman branch ang nakapagpalabas ng pinaka malaking halaga ng approved pension loan na P155.08 million para sa 4,388 approved applications habang ang SSS Bacolod ang may pinaka maraming bilang ng approved applications na 5,137 na pinaglaanan ng P132.76 million loan releases.