DOH: 11 pasyente inoobserbahan para sa nCoV, wala pang kumpirmadong kaso
MANILA, Philippines — Inilinaw ng Department of Health wala pa ring kumpirmadong kaso ng novel coronavirus (2019-nCoV) sa Pilipinas ngunit malapit nang umabot sa isang dosena ang kasalukuyang tinitignan kaugnay ng kinatatakutang sakit.
"Wala pang kumpirmadong kaso ng novel coronavirus sa bansa," sabi ni Health Secretary Francisco Duque sa isang press briefing sa Inggles, Lunes.
Duque: Zero confirmed cases of Novel Coronavirus in the country @PhilippineStar @PhilstarNews
— Alexis B. Romero (@alexisbromero) January 27, 2020
Sa kabila nito, patuloy daw na umaakyat ang mga binabantayang pasyente na nakakitaan ng sintomas ng nakamamatay na sakit.
Ang mga pasyente ay nasa Lungsod ng Muntinlupa; Lungsod ng Pasay; El Nido, Palawan; Mambajao, Camiguin; Kalibo, Aklan; Lungsod ng Tacloban, Leyte; at Lungsod ng Cebu, ayon kay Duque.
Metro Manila
- 78-anyos, lalaki (Asian Hospital)
- 44-anyos, lalaki (Adventist Medical Center)
MIMAROPA
- 10-anyos, babae
Western Visayas
- 32-anyos, babae (Dr. Rafael S. Tumbokon Memorial Hospital)
- 6-anyos, lalaki (Dr. Rafael S. Tumbokon Memorial Hospital)
- 24-anyos, babae (Dr. Rafael S. Tumbokon Memorial Hospital)
Eastern Visayas
- 38-anyos, lalaki (Tacloban City Hospital)
Central Visayas
- 5-anyos, lalaki (Vicente Sotto Memorial Medical Center)
- 18-anyos, babae (Vicente Sotto Memorial Medical Center)
- 61-anyos, babae (Allied Experts Medical Center)
Northern Mindanao
- 29-anyos, lalaki (Camiguin General Hospital)
Information about patients under investigation for Novel Coronavirus @PhilippineStar @PhilstarNews (Source: DOH) pic.twitter.com/iy6TBa7Czi
— Alexis B. Romero (@alexisbromero) January 27, 2020
Kasama sa mga nabanggit ang ilang Tsino, Brazilian at Amerikano, sabi pa ni Duque.
Ilan sa 11 na inoobserbahan ay nakalabas na raw mula sa ospital habang ang iba ay pinro-proseso pa ang release.
Umabot na sa 56 ang namamatay sa 2,024 kaso ng 2019 n-CoV, lahat mula sa Tsina.
Binalaan din ng DOH ang publiko na huwag magkakalat ng maling balita tungkol sa n-CoV: "Huwag kayo basta basta maniniwala sa nababasa sa social media na walang basehan."
Mungkahi naman ni Education Secretary Leonor Briones, mainam na magsagawa ng "make-up classes" ang mga eskwelahang suspendido dahil sa banta ng sakit.
Sa kabila nito, hindi pa naman daw kailangan na mawalan ng klase dahil sa novel corona virus, sabi ni Duque.
'Huwag kumain ng hilaw'
Binalaan naman ng kalihim ng Kagawan ng Kalusugan ang publiko na umiwas mula sa pagkain ng mga hilaw na pagkain, lalo na't health risk ito sa ngayon.
"'Yung mga kilawin, itigil muna natin 'yan kasi maraming mikrobyo 'yan," dagdag niya.
READ: Self-protection measures vs Novel Corona virus @PhilippineStar @PhilstarNews (source: DOH) pic.twitter.com/aS23Hbkpwh
— Alexis B. Romero (@alexisbromero) January 27, 2020
Hangga't maaari, iwasan daw muna ang pakikipagkamay at pakikipagbeso-beso kung kani-kanino.
Mainam din daw na takpan ang bibig tuwing uubo, lutuin nang maigi ang pagkain at manatili na lamang sa bahay kung pakiramdam ay nilalagnat. — may mga ulat mula kay The STAR/Alexis Romero
- Latest
