5,552 pushers, users todas sa drug war
MANILA, Philippines — Umaabot na sa 5,552 katao ang napaslang sa anti-drug war operation habang aabot sa 220,728 ang nasakoteng drug personalities.
Sa rekord ng Philippine Drug Enforcement Agency (PDEA), ang nasabing mga drug personalities ay napatay sa 151,601 anti-illegal drug operations simula Hulyo 1, 2016 hanggang Nobyembre 30, 2019.
Kabuuang 433 dens at mga clandestine laboratories naman ang nabuwag ng PDEA operatives.
Sa 42,045 mga barangay ay nasa 16,706 ang idineklarang nalinis na sa droga habang 17,175 pa ang lilinisin.
Sa rekord din ng PDEA, naitala sa 726 mga nagtatrabaho sa gobyerno ang nasakote sa drug operation, 347 dito ang mga empleyado ng gobyerno, 297 ang mga halal na opisyal at 82 uniformed personnel.
Sa kasalukuyan, nasa P40.39 bilyong halaga ng iligal na droga ang nakumpiska na karamihan ay shabu na aabot sa 5,183 kilo na nagkakahalaga ng P31.25 milyon.
Samantala 8,185 high value targets ang nasakote.
- Latest
