MANILA, Philippines — Atubili si Defense Secretary Delfin Lorenzana na irekomenda ang pagpapalawig ng martial law sa Mindanao.
Sa send-off ceremony para sa Southeast Asian (SEA) Games contingents sa Camp Aguinaldo, sinabi ni Lorenzana na hihintayin muna niya ang rekomendasyon ng Armed Forces of the Philippines (AFP) at ng Philippine National Police (PNP) .
Paliwanag ng Kalihim na depende pa rin sa rekomendasyon ng AFP at PNP ang kanilang rekomendasyon subalit kung siya lang umano ang masusunod ay hindi na niya irerekomenda ang extension dahil masyado nang matagal.
Subalit mas mabuti pa rin umano kung magpapasa ang Kongreso ng mas matapang na Human Security Act para sa law enforcement.
Suportado naman ng AFP ang pahayag ni Lorenzana bagamat ang pinal na desisyon pa rin ni Pangulong Duterte ang masusunod.