LPA bantang maging bagyo

MANILA, Philippines — Patuloy na binabantayan ng Philippine Atmospheric Geophysical and Astronomical Services Administration ang isang low pressure area (LPA) na nasa silangang bahagi ng ating bansa. Ayon sa PAGASA, ang naturang LPA ay nagbabantang maging bagyo sa susunod na dalawang araw. Oras na maging bagyo ang LPA, ito ay tatawaging bagyong Ramon.

Ayon sa PAGASA, ang LPA ay huling namataan sa layong 1,100 kilometro ng silangan ng Virac, Catanduanes.

 Bunga nito, makakaranas ng mga pag ulan ang CALABARZON, Bicol Region, Eastern Visayas, Caraga, Davao Region at Aurora Ang Metro Manila at nalalabing bahagi ng bansa ay maulap ang kalangitan na may kalat-kalat na pag ulan dahil sa localized thunderstorms.