MANILA, Philippines — Kasabay ng pagsisimula ng sesyon ng 18th Congress, muling nahalal kahapon bilang lider ng mataas na kapulungan si Senate President Vicente “Tito” Sotto III.
Tumayo bilang pansamantalang presiding officer si Senate President Pro Tempore Ralph Recto para pangunahan ang paghahalal ng bagong senate president.
Nauna rito, nanumpa kay Sotto ang mga nanalong senador noong May elections na sina Senators Nancy Binay, Cynthia Villar, Sonny Angara, Aquilino “Koko” Pimentel III, Ronald “Bato” dela Rosa, Christopher “Bong” Go, Pia Cayetano, at Francis Tolentino.
Si Majority Leader Juan Miguel Zubiri ang nag nominate kay Sotto bilang Senate President na sinigundahan naman ni Senator Panfilo “Ping” Lacson.
Tumayo rin si Senator Pia Cayetano para kay Recto upang segundahan ang nominasyon ni Sotto.
Nanumpa naman si Sotto kasama ang kanyang pamilya sa harap ni Lacson.
Nauna rito naghain ng manifestation si Senate Miniroty Leader Franklin Drilon upang ipaalam na nag-aabstain ang minorya sa botohan.