MANILA, Philippines — Isinusulong na sa Senado ang panukalang ibaba sa 55 ang optional retirement age ng mga guro sa mga pampublikong paaralan.
Ayon kay Angara, bagaman at anim na oras lamang ang “instruction time”, karamihan sa mga guro ay nagta-trabaho ng mas mahabang oras dahil sa iba’t ibang responsibilidad na dapat nilang gawin.
May mga guro rin na kahit nakabasyon ay kailangang magsilbi sa labas ng mga silid-aralan.
Sinabi ni Angara na kung ikokonsidera ang haba ng oras na pinagta-trabaho ng mga guro marapat lamang na ibaba sa 55 ang optional retirement age na ngayon ay nasa 60.
Naniniwala si Angara na bagaman at may kakulangan sa mga guro dapat ding irespeto at ikonsidera ang kalagayan ng mga masisipag na guro at bigyan sila ng pagkakataon na mag-retire ng mas maaga kung kanilang nanaisin.
Marami anyang public school teachers ang nagnanais na mag-retire ng mas maaga kaysa sa mandatory retirement age na 65 taong gulang kaya niya inihain ang Senate Bill 1872 na nakabinbin ngayon sa Senado.