Ang Probinsiyano tutok sa farming law

MANILA, Philippines — Isusulong ng Ang Probinsyano Party-list  (APPL) ang Agritech Extension Program kapag naupo ito sa Kongreso upang maipag-ibayo ng mga magsasaka ang produksiyon ng kanilang mga pananim.

Sa ilalim ng programa, bibigyan ng mga motosiklo ang mga agri-tehnician at maayos na internet connection naman para sa mga magsasaka.

Ayon kay Alfred Delos Santos, kinatawan ng Ang Probinsyano Party-list, ang pagbibigay ng motorsiklo sa mga agri-technician ay makakatulong ng malaki sa paghahatid ng kaalaman at mga proyekto. 

Mas malimit din na makakapagbisita ang agri-technician sa mga sakahan kung ito ay may sariling gamit pang transportasyon, dagdag ni Delos Santos.