SWS: Drug users nabawasan
MANILA, Philippines — Mayorya ng mga Filipino ang nagsabi na konti na lamang ang mga gumagamit ng droga sa kanilang lugar sa huling quarter ng 2018.
Ito ay base sa pinakahuling survey na isinagawa ng Social Weather Station noong Disyembre 16 hanggang 19 sa pamamagitan ng face-to-face interviews sa nasa 1,440 respondents sa buong bansa.
Nasa 66 porsiyento ang nagsabi na nabawasan ang bilang ng drug users sa kanilang lugar samantalang nasa 14 percent lamang ng respondents ang nagsabi na dumami ang drug users at nagtutulak ng droga. Pitong (7) porsiyento naman ang nagsabi na pareho pa rin ang bilang.
Nasa 83% ng respondents mula sa Mindanao ang nagsabi na nabawasan ang mga adik sa kanilang lugar, sinundan ng Visayas na 71%, Metro Manila, 67% at Luzon 54 porsiyento.
Sinimulan ng SWS ang kanilang quarterly surveys tungkol sa drug addiction noong 2017 matapos ilunsad ni Pangulong Duterte ang kampanya laban sa iligal na droga.
Lumabas din sa pinakahuling survey na 95 porsiyento ng mga respondents ay naniniwala na mahalagang mahuli ng buhay ang mga drug suspects.
Limang porsiyento lamang ang nagsabi na hindi importanteng mahuli ng buhay ang mga suspek.
- Latest