7 senador may illegal posters
MANILA, Philippines — Kasama ang pangalan ng pitong reeleksyunistang senador sa listahan na tinukoy ng Commission on Elections na may illegal posters.
Sa kanyang opisyal na Twitter Account, tinukoy ni Comelec Commissioner Rowena Guanzon sina Senators Bam Aquino IV, Sonny Angara, Nancy Binay, JV Ejercito, Aquilino Pimentel III, Grace Poe, at Cynthia Villar sa may iligal na posters.
Bukod sa pitong senador, nasa listahan din sina dating senators Lito Lapid at Sergio Osmeña III at Rep. Pia Cayetano.
Lumabag din umano sa paglalagay ng illegal posters sina Florin Hilbay, Conrado Generoso, Leborio Jangoa Jr., Rodolfo Javellana, Romulo Macalintal, Emily Mallillin, Faisal Mangondato, Zajid Mangundadatu, Jose Sonny Matula, Luther Meniano, Allan Montaño, Willie Ong, Danilo Roleda, Lorenzo Tañada III, Francis Tolentino, Antonio Valdes, Ferdinand Aguilar, Ibrahim Albani, Gary Alejano, Richard Alfajora, Rafael Alunan, Ernesto Arellano, Marcelino Arias, Bernard Austria, Edmundo Vicente Casiño, Gleen Chong, Neri Colmenares, Jose Manuel Diokno, at Lorenzo Gadon.
Wala naman sa listahan ang pangalan nina dating PNP chief Ronald “Bato” dela Rosa at dating SAP Bong Go.
- Latest
