1-Pacman inulan ng maagang suporta
MANILA, Philippines — Masayang ibinida ni 1-Pacman Partylist Rep. Mikee Romero kahapon ang mainit na pagsuporta ng taong bayan sa kaniyang kinabibilangang partylist.
“Nakaka-taba po ng puso nang mabasa ko ang mga tao at grupo ng kabataan, seniors, PWDs at mga non-government organizations (NGOs) na nais tumulong na manatili ang 1-Pacman Partylist sa Kongreso,” pahayag ni Rep. Romero.
Ang 1-Pacman ay umani ng 1.4 milyong boto sa nakaraan eleksyon at kasalukuyang tanyag dahil sa dami ng natulungan, partikular na ang libu-libong napaaral at nabigyan ng trabaho.
Kamakailan lang, naging maagang pamasko sa mga bata at mga nag-iiyakang magulang na pasyente ng Philippine Heart Center ng personal na magtungo si Rep. Romero upang magbigay ng pinansyal na tulong sa mga batang may butas ang puso o congenital heart defect. At ito ang nagbigay pa ng isang milyong piso mula sa sariling bulsa.
- Latest