Jinggoy hangad na pumasok silang 2 ni JV sa Senado
MANILA, Philippines — Bagamat hindi nagkikibuan, hangad pa rin ni dating senador Jinggoy Estrada na manalo sila ni Sen. JV Ejercito sa Senado sa election 2019.
Matapos na mag-file ng kanyang Certificate of Candidacy sa pagka-senador kahapon, sinabi ni Jinggoy kapatid pa rin niya si JV at wala siyang hangad kundi maluklok silang pareho sa Senado.
Aminado si Jinggoy na malaking bagay na sinamahan siya ng kanyang mga magulang na sina Manila Mayor Joseph Estrada at Dr. Loi Ejercito sa Comelec. Aniya hiniling niya ito sa kanyang mga magulang.
Sinabi naman ng Alkalde na hindi nagpaalam si JV sa kanya kaya’t hindi niya ito nasamahan.
Prayoridad pa rin ni Jinggoy na maihain ang mga batas na makikinabang ang masa.
Dagdag pa ni Jinggoy na makikita naman ito sa kanyang puwesto sa survey. Indikasyon na kapaki-pakinabang ang mga batas na kanyang inihain.
Samantala, muling susubok sa Senado si dating Senador Mar Roxas, Ilocos Gov. Imee Marcos, Pia Cayetano, reelectionist Bam Aquino, Shel Diokno at Erin Tañada na naghain ng COC kahapon.
- Latest
