Security ni Trillanes ibinalik na ng PNP

MANILA, Philippines — Ibinalik na ng Philippine National Police ang dalawa sa  police security escorts na una nang tinanggal kay Senador Antonio Trillanes IV.

Sinabi naman ni PNP Chief P/Director General Oscar Albayalde na normal lamang ang pagbawi ng security detail ng sinumang mga VIP tulad ng mga pulitiko at ilang mga kilalang personalidad.

Ayon kay Albayalde, sadyang sumasailalim sa accounting ang mga security escorts na kailangang mag-report sa kanilang mother unit sa sandaling nag-expire na ang kontrata sa request ng mga VIP.

Pansamantala anyang tinanggal ang security escort ni Trillanes para sa accounting dahil nagtapos na ang kanilang tour of duty.