Protesters OK sa SONA - Duterte

MANILA, Philippines — Walang nakikitang masama si Pangulong Duterte sa pagnanais ng mga militanteng grupo na makapagpahayag ng kanilang saloobin sa pamamagitan ng protesta sa kanyang ikatlong State of the Nation Address (SONA).

Subalit ayon sa Pangu­lo, kailangang sundin ng mga ito ang kanyang kundisyon at ito ay ang mapayapang paglalabas ng hinaing at reklamo nila sa mga isyu sa bansa.

Hindi aniya dapat magdulot ng gulo ang kanilang ikakasang protesta dahil kung hindi ay puwersa ng pamahalaan ang kanilang makakatapat.

Ayon pa sa Pangulo, malaya ang mga Pinoy na pansinin ang polisiya ng pamahalaan ngunit kung mga dayuhan ang mangi­ngialam sa bansa ay hindi niya ito papayagan.

Magaganap ang SONA ng Pangulo sa ikatlong Lunes ng Hulyo na matatapat sa petsang 23.