MANILA, Philippines — Tiniyak ni Senator Richard Gordon na hindi palulusitin ang mga tiwaling opisyal ng Land Registration Authority (LRA) at iba pang ahensiyang sangkot sa P8.7 bilyong halaga ng road-right-of-way (ROW) scam.
Kinalampag na ni Gordon ang Department of Justice (DOJ) para masampahan ng kaso ang mga sangkot na opisyal.
Ginawa ni Gordon ang panawagan sa pagpapatuloy ng pagdinig sa ROW scam kabilang ang kaso ng konstruksiyon ng four-lane 33-kilometer highway sa General Santos City noong 2013.
Sinabi ni Gordon na ang nasabing scam ay ginawa ng isang sindikato na kinabibilangan umano ng ilang mga opisyal ng LRA at Department of Public Works and Highways sa pamamagitan ng pagpeke sa ROW claims gamit ang mga pekeng land title.