Philippine-China military cooperation palalakasin pa - Duterte
MANILA, Philippines — Naniniwala si Pangulong Duterte na mapapalakas pa ang military at defense cooperation sa pagitan ng Pilipinas at China.
Ginawa ng Pangulo ang pahayag sa kanyang opening remarks sa bilateral meeting nila kamakalawa ng gabi ni Chinese Pres. Xi Jinping sa Hainan, China.
Sinabi ni Pangulong Duterte, maisasagawa ito sa pamamagitan ng nilagdaang Memorandum of Understanding on Defense Cooperation noong 2004.
Sa kasalukuyan ay walang joint military agreement ang Pilipinas at China, gaya ng Mutual Defense Treaty (MDT) sa Estados Unidos.
Kasabay nito, personal na pinasalamatan ni Pangulong Duterte si Xi sa ibinigay na military assistance ng China noong kasagsagan ng operasyon laban sa ISIS-Maute terror group sa Marawi City.
Ibinida pa ni Pangulong Duterte na ang nakapatay sa lider ng mga terorista na si Isnilon Hapilon ay ang rifle mula sa China.
- Latest
