MANILA, Philippines – “Signed, sealed, and delivered.”
Ito ang pahayag ni boxing legend Oscar dela Hoya tungkol sa bakbakan sa pagitan nina Manny Pacqcuiao at Lucas Matthysse sa Hulyo.
Si dela Hoya ang promoter ni Matthysse na nag-asikaso sa WBA welterweight title match na gagawin sa Kuala Lumpur, Malaysia.
Signed, sealed, and delivered: Proud to officially announce that WBA welterweight world champion @MatthysseLucas will put his title on the line against @mannypacquiao in Kuala Lumpur, Malyasia on Saturday night July 14 (US time).
— Oscar De La Hoya (@OscarDeLaHoya) April 2, 2018
Hindi naman tiyak kung kasama si Bob Arum ng Top Rank Inc. sa pag-aayos ng laban sa Hulyo 15.
Nauna nang sinabi ni Pacquiao na tapos na ang kontrata niya sa Top Rank kaya naman ang kaniyang MP Promotions ang nakipag-usap sa Golden Boy Promotions.
It’s on! Can’t wait to challenge Lucas Matthysse for another world title on July 15 in Kuala Lumpur, Malyasia - July 14 US time #Pacmanisback
— Manny Pacquiao (@mannypacquiao) April 3, 2018
Hulyo 2017 nang huling lumaban si Pacquiao na natalo kay Jeff Horn sa Australia.
Inaasahang maglilibot sa iba’t ibang bansa sa Asya, kabilang ang Pilipinas, sina Pacquiao para sa kanilang promotional tour.