MANILA, Philippines — Mahigit 8,000 evacuees na ang tinamaan ng sakit na pawang residente ng Albay bunsod ng pagputok ng Mayon Volcano
Sa ulat ng Department of Health (DoH), nasa kabuuang 8,193 ang mga binigyan ng medikal na atensyon mula Enero 15 hanggang Pebrero 13 o sa loob ng isang buwang pag-aalburoto ng bulkan.
Nasa 5,347 o 65% dito ang bilang ng mga kaso ng Acute Respiratory Infection na sinusundan naman ng lagnat na may 1,070 kaso o 11 %.
Pitong porsyento o 644 kaso ang dumanas ng hypertension, 538 ang nagkaroon ng diarrhea habang 360 o 4 % naman ang nagkasugat.
Samantala, iniulat din ng DoH na umaabot na sa P31.6 milyon ang naipadala nilang halaga ng logistical support para sa kanilang tanggapan sa Region 5 bilang ayuda sa mga lumikas na pamilya sa Albay.
Related video: