MANILA, Philippines — Sina South Asian Games gold medalists Mark John Lexter Galedo at Marella Vania Salamat ang mangunguna sa men at women elite cast sa paghataw ng PRUride PH 2018 ng PruLife UK na lalarga sa Enero 11 sa Subic at Bataan at sa Enero 21 sa McKinley West sa Taguig City.
Libre ang pagpapalista sa pamamagitan ng official website http://PRUride.PH! --ng mga Union Cycliste Internationale (UCI) license holders sa men at women elite, men at women under-23 at men at women junior categories para sa PRUride PH Professional Road Race.
Maliban sa tsansang maisuot ang jersey ng national champion na igagawad ng may basbas na Integrated Cycling Federation of the Philippines (PhilCycling), tatanggap din ng higit sa P1 milyong premyo mula sa national federation ang mga top finishers sa lahat ng kategorya.
May pagkakataon din silang makasali sa Prudential RideLondon 2018 sa Hulyo.
Tatanggap ang mga mananalo sa men at women elite categories para sa PRUride Professional Road Race at PRUride Criterium ng tig-P50,000 at ang men under-23 category winners para sa lahat ng event ay magbubulsa ng tig-P20,000.
Magkasabay na idaraos ang men's 136-kilometer road race at 120-km women elite at men juniors sa Enero 12 na magsisimula at matatapos sa Subic Bay Exposition and Convention Center (SBECC).
Kasama sa ruta ang pag-akyat sa matarik na Mount Samat at sa bulubunduking Morong sa Bataan. Pepedal ang individual time trial (ITT) para sa lahat ng kategorya sa Enero 13 tampok ang 30-km (professionals) o ang 15-km course (amateurs) sa SBECC.PRUride PH 2018 pati na ang 100- at 50-kilometer Gran Fondo events sa Enero 14 sa Subic.
Makakapili rin ang mga siklista sa lineup ng 14 race sub categories at ipakita ang kanilang husay sa criterium race sa Enero 21 sa McKinley West.