Paliwanag ni House Speaker Pantaleon Alvarez, ngayong Enero sa muling pagbubukas ng sesyon ng Kongreso ay kanilang tatalakayin sa Kamara ang panukala at ibaba sa publiko sa pamamagitan ng referendum ngayong Mayo ang nasabing isyu kasabay na rin ng planong barangay elections. Pantaleon Alvarez/Released, File

‘No El’ sa 2019 posible - Alvarez
Butch Quejada at Gemma Garcia (Pilipino Star Ngayon) - January 4, 2018 - 12:00am

MANILA, Philippines — Posible umanong mag­karoon ng “no-election” sa susunod na taon.

Ito ay kung magta­ta­gumpay umano ngayong taon ang isinusulong na panukalang pagpapalit ng porma ng gobyerno sa federalismo.

Paliwanag ni House Speaker Pantaleon Alvarez, ngayong Enero sa muling pagbubukas ng sesyon ng Kongreso ay kanilang tatalakayin sa Kamara ang panukala at ibaba sa publiko sa pamamagitan ng referendum ngayong Mayo ang nasabing isyu kasabay na rin ng planong barangay elections.

Naniniwala naman si Alvarez na ang kongreso ay dapat vote jointly sa isyu kung paano magkakaron ng botohan ang dalawang kapulungan ng kongreso sa pag-amyenda sa konstitusyon.

Sakali naman uma­nong magkaroon ng kwestyon kaugnay dito ay maaaring magtungo sa Korte Suprema.

Diretsahan naman sinabi ni Alvarez na lahat ay posibleng mangyari sa 2019 kabilang na dito ang no-el scenario lalo na kapag nag-shift na sa porma ng gobyerno mula sa unitary patungo sa federal dahil magkakaroon muna ng transition government.

Ang transitory provision umano ay nakasaad sa konstitusyon kaya hindi agad-agad maaaring ipa­tupad kahit aprubahan pa ito sa Mayo.

Sakaling maaprubahan naman ng tao sa pa­mamagitan ng refe­rendum ang panukalang federal form of government ay mas magandang ipatupad ito ng 2022 dahil tapos na lahat ng termino ng mga senador.

Sinabi pa ni Alvarez na hindi dapat mangamba ang mga senador sakaling ma-abolish ang kongreso dahil maaari naman silang tumakbo sa ibang posisyon sa ilalim ng bagong porma ng gobyerno na maitatatag.

Nauna nang sinabi ng Speaker na magi­ging prayoridad ng Kamara ang pagsusulong ng fe­deralismo ngayong 2018 sa pamamagitan ng pag-convene ng kongreso b­ilang Constituent Assembly.   

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with