Impeachment bahagi ng destab - Malacañang
MANILA, Philippines - Bahagi pa rin umano ng mas malawak na plano ng destabilisasyon ang inihaing impeachment complaint laban kay Pangulong Duterte dahil ang hakbang ng mga kalaban ay planado at coordinated.
Ito ang binigyang-diin ni Presidential Spokesman Ernesto Abella sa hakbang ni Magdalo Partylist Rep. Gary Alejano na sampahan ng impeachment sa Kamara si Pangulong Duterte.
“However, it does seem like part of larger scheme of things. It just seems dramatic because everything is so well-coordinated at this stage... to discredit the administration and trying to throw it in doubt,” sabi ni Abella.
Iginiit kahapon ni Abella na walang ginawang impeachable offense ang Pangulo.
Batay sa alegasyon ni Alejano, nagkasala ang Pangulo ng high crimes dahil sa malawakang pagpatay sa mga drug personalities graft and corruption dahil sa umano’y tagong bank account at yaman.
Sinabi ni Abella na mahigpit na sinusunod ng Pangulo ang rule of law na naayon sa itinatadhanan ng Saligang Batas
Inihayag ni Abella na hindi patitinag ang administrasyon sa mga nanggugulo at pagtutuunan ng pansin ang reporma at pagbabago para sa nation building.
- Latest