MANILA, Philippines - Balik sa normal ang operasyon ng mga Immigration officers sa Ninoy Aquino International Airport (NAIA) matapos magkaroon ng ilang minutong problema ang mga ito kaya naman humaba ang pila ng mga pasahero sa arrival at departure area ng paliparan.
Gayunman, ang pino-protesta ng mga empleyado ng Immigration ang kanilang overtime pay at allowance na halos tatlong buwan na hindi ibinibigay sa kanila.
Ayon sa mga ito, maraming IO ang hindi pumasok at ang iba sa kanila ay nag-file ng indifinite leave of absence dahil sa nangyayaring problema sa NAIA.
Sinabi ng mga ito, ang regular na IO ay sumasahod lamang ng P16,000 kada buwan at tatanggalin pa rito ang iba’t-ibang klase ng buwis kaya ang take home pay na lamang nila ay P14,000.