MANILA, Philippines - Nahalal na bagong pangulo ng Philippine Press Institute (PPI), ang pangunahing asosasyon ng mga pahayagan sa bansa si Pilipino Star Ngayon (PSN) Editor-in-Chief Alfonso Pedroche, na nagsilbing kinatawan ng Philippine Star.
Sa ginanap na halalan noong Hunyo 22 sa Annual Membership Meeting ng PPI sa Century park Hotel sa Manila, hinirang si Pedroche na bagong chairperson-president ng PPI kapalit ni Jesus Dureza, na nakatakdang umupo bilang Presidential Adviser on the peace Process sa Duterte administration.
Ang iba pang miyembro na nahalal sa Board of Trustees ay sina Salvador Diputado ng Bohol Times bilang vice chairman; Joenald Rayos ng Pahayagang Balikas bilang treasurer; at Amalia Cabusao, editor-in-chief, ng Mindanao Times bilang secretary.
Kasama pa sa bagong board sina Allan Mediante of BusinessWeek Mindanao, Adrian Amatong ng Mindanao Observer, at Cabusao bilang trustees para sa Mindanao; Maria Fajardo ng Panay News, Queenie Bronce ng The Freeman, at Diputado para sa Visayas; habang si Sonia Daoas ng Cordillera News Agency at Rayos ang trustees para sa Luzon.
Nagsilbing guest of honor at speaker si Senior Justice Antonio T. Carpio sa ikalawang araw ng membership meeting na minarkahan ang pagbubukas ng PPI 2-day 20th National Press Forum, na may temang “Understanding the Disputes in the West Philippine Sea.”