^

Tahong sa Pangasinan, Bataan bawal kainin

(Pilipino Star Ngayon) - January 25, 2015 - 12:00am

MANILA, Philippines - Ipinagbabawal ng Bureau of Fisheries and Aquatic Resources (BFAR) ang pagkain, paghango at pagbebenta ng mga shellfish meat tulad ng tahong, talaba at halaan mula sa mga baybayin ng Pangasinan at Bataan.

Ito ayon kay BFAR head Asis Perez ay dahil mataas pa rin ang toxicity level ng lason ng red tide sa naturang lugar.

Partikular na mataas ang lason ng red tide sa baybayin ng Milagros, Masbate, Bolinao, Anda, Alaminos, Wawa, Bani sa Pangasinan gayundin sa Mariveles, Limay, Orion, Pilar, Balanga, Orani, Abucay, Samal sa Bataan.

Pinaalalahanan ng BFAR ang mga local executives ng naturang mga lugar na magtulungang huwag makaabot sa mga palengke at ibang mga pamilihan ang shellfish mula sa naturang mga lugar upang makaiwas sa epekto sa katawan ng sinumang kakain nito.

Ang makakakain ng shellfish meat na may red tide ay maaaring magsuka, magtae, lagnatin at magkaroon ng impeksiyon sa balat at katawan. (Angie dela Cruz)

ABUCAY ALAMINOS ANGIE ASIS PEREZ BALANGA BOLINAO BUREAU OF FISHERIES AND AQUATIC RESOURCES CRUZ PANGASINAN
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with