MANILA, Philippines - Hiniling ng mga magulang sa Kongreso na ibasura nito ang naging kasunduan ng local government ng Bayambang, Pangasinan sa land swap para sa Bayambang 1 Central School.
Iginiit ng miyembro ng Parents-Teachers Association ng Bayambang 1 Central School na kuwestiyunable umano ang pinasok na land swap deal ni Mayor Ricardo Camacho sa negosyanteng si William Chua para sa kinatatayuan ng paaralan kung saan 2,000 mag-aaral ang maaapektuhan.
Hiniling ni PTA president Filipinas Alcantara sa kanyang liham kay Pangasinan Rep. Kimi Cojuangco, chair ng House education committee, na siyasatin ang transaksyong Ito.
“We are hoping Congress will take action on our request for an inquiry, and take pity on the students who are being dislocated with this arrangement,” paliwanag pa ni Alcantara.
Iginiit ng PTA president na mariin ang pagtutol ng mga magulang at estudyante sa paglilipat ng paaralan sa ibang lugar.
“Our desire to return to our old school remains. It is a historical landmark of Bayambang, being more than a hundred years now. We are hoping for your speedy action on the matter to ease the burden of the students, teachers, parents, and residents of Bayambang,” dagdag pa ng PTA.
“We urge the municipal council to abrogate the land swap deal not only for being grossly disadvantageous to the local government, but also for being prejudicial to public interest, particularly the students of Bayambang,” giit pa ni Alcantara.
Pinapaalis sa loob ng 15 Araw ni Chua ang paaralan dahil siya na raw ang may-ari nito.
“To be honest, we have nowhere to go because our old school is still padlocked because of the temporary restraining order. But we are more than willing to leave. If we have to hold classes under trees or in tents, we will gladly do so. Just give us back our old school,” sabi pa ni Alcantara.
Aniya, ang paglilipat ng paaralan sa ibang lugar ay ideya umano ng principal ng paaralan.