MANILA, Philippines - Nagdesisyon kahapon ang Pasay City Council na i-recall ang unang inaprubahang P54.5 bilyong Manila Bay reclamation project dahil umano sa mga depektong kanilang nakita sa kontrata.
Nagkakaisang ipinasa ng mga miyembro ng konseho ang 8-pahinang Resolution No. 3059 na nag-uutos para i-recall ang mga naunang resolusyon na inisyu para sa reklamasyon at pagdebelop sa 300 ektaryang bahagi ng Manila Bay.
Sinabi ni Councilor Allan Panaligan, chairman ng Committee on Land Use, na nagdesisyon sila na i-recall ang kontrata dahil umano sa ilang depekto na una nang pinuna ng ibang stakeholders sa proyekto kabilang ang S&P Construction Technology and Development Co. at Ayala Land Incorporated.
“Gusto lang namin na walang ground para masamÂpahan ng kaso sa korte ang konseho maging ang ehekutibo dahil sa mga depekto. Nag-iingat lang kami. Nagpakita naman ng mga isyu ang S&P at Ayala Land na nakita naÂming kailangang agad na aksyunan,†ani Panaligan.
Kabilang dito ang hindi umano pagsasagawa ng public bidding, isyu sa kalikasan, at mga pagkakamali sa proseso tulad ng hindi pagsunod sa NEDA 2008 Joint Venture Guidelines na nagsasaÂbing kailangang magbigay ng 60-araw na ekstensyon para makapagsumite ng “counter-proposal†ang ibang kumpanya.
Nasa kamay na umano ni Mayor Antonino Calixto ang gagawing aksyon para maitama ang mga nakitang depekto o gumawa ng bagong procedure para muÂling makasama sa prÂoseso ang iba pang stakeholders.