MANILA, Philippines – Nakalabas na ng Philippine Area of Responsibility (PAR) ang bagyong Fabian, ayon sa Philippine Atmospheric, Geophysical, and Astronomical Services Administration (PAGASA) ngayong Biyernes.
Base sa pagtataya ng PAGASA kaninang alas-4 ng umaga, nasa 340 kilometro kanluran ng Laoag, Ilocos Norte si Fabian na may lakas na 55 kilometers per hour (kph) habang umuusog ito sa direksyong hilaga hilagang-kanluran sa bilis na 11 kph.
Pero kahit wala na sa PAR ang bagyo ay sinabi ni weather forecaster Alvin Pura na palalakasin pa rin nito ang hanging habagat na magdadala ng mahihinang pag-ulan sa ilang bahagi ng Luzon partikular sa Palawan.
“Even if ‘Fabian’ has exited Philippine territory Friday, it will still enhance the southwest monsoon… We expect the weather to gradually improve starting Sunday,†ani Pura.
Magiging bahagyang maulap hanggang sa maulap ang kalangitan sa Metro Manila kung saan maaaring umulan ng mahina hanggang katamtaman sa hapon o gabi dahil sa localized thunderstorms.
Ang naturang bagyo ang pang-anim na pumasok sa bansa ngayong taon.