Talon sa Iceland mistulang pang-fairytale ang itsura

Sa hilagang bahagi ng Iceland makikita ang isang napakagandang waterfall. Hindi pangkaraniwan ang anyo ng nasabing waterfall dahil hitsurang nakapaloob ito sa fairytale dahil sa nakabibighani nitong katangian.

Maituturing na isa ito sa mga tagong yaman ng nasabing bansa dahil hanggang ngayon ay mangilan-ngilan lamang ang nakakapasyal dito dahil nakatago ito sa main road kahit na madali lamang itong puntahan.

Ang pangalan ng nasabing talon ay Kvernufoss at nasa 40 meters ang taas nito. Kadugtong nito ang Kverná river.

Sa paligid ng nasabing talon ay marami ring makikitang kakaibang flora at faura. Marami ring kabayo sa paligid nito. Ang pagkakaroon nito ng sangkatutak na hayop sa paligid ang siyang nagpapatunay kung gaano pa ito ka-’virgin’.