Zombie Family (192)
SOBRANG naawa kay Herman si Laurice.
Niyakap agad ito. “Ano ka ba? Normal na tao ka. Wala kang kaamoy-amoy.”
“Bitiwan mo ako, Laurice. Please. Nanliliit ako. I’m not deserving of your embraces.”
“Sinong maysabi? For me, you totally deserve my hugs, my kisses!”
“Bakit hindi ka nandidiri sa akin? Alam mong … alam mong … may mga ginawa kami ni Marga.”
“I know.” Nalungkot na umamin si Laurice.
“Kaya nga ang baho-baho ko!”
“That’s not true. Amoy-malinis ka. Ikaw pa rin ang asawa ko.”
“Hindi ka na dapat makikipagtalik sa akin!”
“Hindi naman natin kailangang gawin kaagad ‘yon. Let’s just embrace na magkatabi sa kama. Hindi naman sex ang nami-miss ko. Kundi ang asawa ko. The tender moments.”
Napahagulhol si Herman. “Bakit ba anghel ka na yata sa kabaitan? Napakamatiisin mo.”
“That’s too exaggerated. Nakakatawa ka.”
“Laurice … ang bagay na sa iyo ay si Nikolai. He is perfect for you.”
“Kaibigan ko lang siya. At … gusto mo bang magkasala na rin ako?”
“Of course not! Hindi kita itinutulak sa ganoon!”
“Iyon naman pala. So … matulog na tayo sa kama natin. Kung ayaw mo then no sex at all. Matulog lang. Halika na. Mag-shower ka at mag-pajama na so you feel fresh and you can sleep well. Okay?”
“Okay.”
Napasunod naman si Herman sa asawa.
Pagkatapos mag-shower, nakatulog nga siya nang mahimbing.
Pero ang mga sumunod na pangyayari ay habulan na sa beach. Napakaraming zombie Marga na ang gusto ay makipag-sex sa kanya.
Hinahabol siya.
Wala siyang matakbuhan kasi kahit saan, mga nagsisiksikang nabubulok na Marga ang humahawak at humihipo sa kanya.
- ITUTULOY
- Latest
