Zombie Family (187)
HINDI nakasagot si Herman sa sinabi ni Laurice.
Alam din naman ni Laurice na nag-erupt ang kanyang temper. Bihirang mangyari ito.
Na hindi dapat. Dahil kauuwi lang ni Herman.
At nandidito si Nikolai, bisita. Hindi tamang makikita ni Nikolai na nagkaganoon siya sa kanyang asawang matagal na hindi nakauwi.
“I’m so sorry, Hon. Siguro … all these things just really get into me. Iyon lang kasing sinabi mong puno ng mga zombie Marga ang isla, takot na takot na ako doon! Isang zombie Marga nga lang, parang nagkagulo na ang mundo, right?”
“Yes, Laurice. Ako pa ba ang hindi makakaunawa sa nararamdaman mo ngayon? I’m sorry I put you into this.”
“Hey, let’s light up a little. Hindi naman hopeless ito, e. Mahirap pero kakayanin ito ng Pilipinas.”
“Matagal nang problema ang zombie second family ko, Nikolai. Pero hanggang ngayon, wala pa ring klarong correct moves ang gobyerno natin.” Hindi makikita ang pag-asa sa mukha ni Herman.
“Hindi puwedeng mawalan ng pag-asa, Herman. Dahil there is a world community.”
“Na kapag hindi kaya ng Pilipinas, tutulong ang ibang bansa?”
“Precisely. Tayo pa lang ang kumikilos, e. But we have a very different adversary. Nasa atin na ang mga mata ng buong mundo. One of these days, either may mag-aalok sa atin ng tulong. O ang gobyerno mismo natin ang hihingi na ng tulong.”
Nagkaroon naman ng hope si Laurice sa sinabi ni Nikolai. “Thanks for making me feel better, Nikolai. Sana nga, makialam na rin ang international community bago pa madagdagan ang mga biktima.”
Hindi tuloy naiwasan ni Herman ang medyo mainsulto. Instead na siya ang makapagpa-feel safe sa kanyang asawa, ibang lalaki pa ang nakagawa nito.
Huli na nga ba siya ngayon sa buhay ni Laurice? - ITUTULOY
- Latest
