Sino ang unang nagloloko, babae o Lalaki?
“Aminado ako na kaming mga lalaki ang nauunang magloko. Siguro gumaganti lang yung mga babae kaya sila naghahanap ng iba pero kung tutuusin, kami talagang mga lalaki ang nauuna riyan. Aminado naman tayo...” - Aide, QC
“Hindi ko masabi kung sino ang nauuna o prone magloko kasi kung mapapansin n’yo, nagloloko na rin ang babae ngayon. Mapapanood n’yo sa TV o YouTube, merong seaman na iniiputan sa ulo ng kanyang misis. Mahirap talaga sabihin kasi sa panahon ngayon parang pantay na.” - Leroy, Cavite
“Lalaki... Kasi mas prone kami sa tukso. Pero depende pa rin yan sa tao kung padadala ka sa tukso. Ibig ko lang sabihin, mas lapitin kami ng tukso kaya mas malaki ang chance na kami ang unang magloloko.” - Gian, Makati
“Sana ‘wag sila magagalit, pero pansin ko ngayon mga babae na. Wala na silang takot manloko o magloko dahil iniisip nga nila, na likas sa mga lalaki ang maghanap ng iba kaya inuunahan na nila, ang ending mga babae ang nauuna. Iba na panahon ngayon dahil malakas na ang loob nila manakit ng damdamin. Bago ka pa nakapambabae, nakaganti na sila. Hahaha. - Rome, Pasig
“Hindi ko lang po sure pero depende kasi yan sa environment ng isang tao kung kanino mas maraming tukso plus kung kanino mas matibay ang pagmamahalan. Kasi kahit may tukso kung loyal ka, walang lokohan na magaganap.”- Eleazar, Dumaguete
- Latest
