Mga palatandaan na susuwertehin ka!

(Last part)

Susuwertehin ang bahay na pinasok ng paruparo kaya’t huwag itong papatayin.

Good luck kung may dumating na pusa na may golden yellow na balahibo sa iyong bahay.

Ang ibig sabihin nang di sinasadyang pagsusuot ng baliktad na damit ay matatapos na ang kamalasang nangyayari sa buhay. Kung makakapulot ng mga good luck symbols kagaya ng four leaf clover, horseshoe or coin na may birth year mo—ilagay ito sa metal box at ibaon sa inyong garden. Ang resulta nito ay ang pagdami ng suwerteng darating sa iyong buhay.

Magiging masagana ang iyong buhay kung may makakasalubong kang baka habang naglalakad o nagmamaneho ng sasakyan.

Masuwerte ang makatanggap ng tuta bilang regalo.

Suwerte ang hatid ng pagsasabit ng watawat sa harapan ng bahay. Kaya lang ay siguraduhing matibay ang pagkakabit dito dahil aksidente ang ibig sabihin nito kung ang watawat ay malalaglag mula sa pinagkakabitan nito.

May darating na pera sa iyo kung may pumasok na palaka sa inyong bahay; isang marangal at sikat na tao ang bibisita sa inyong tahanan kung tipaklong naman ang nakapasok sa inyong bahay.

Masuwerte ang sanggol na ipinanganak sa araw na umuulan ngunit sumisikat ang araw. Magkakaroon ng masaya at masuwerteng buhay ang mag-asawa kung sa araw ng kanilang kasal ay umuulan at the same time ay tirik na tirik ang araw.

 Mag-wish at siguradong matutupad kung may nakitang rainbow, habang maliwanag ang sikat ng araw  ngunit umaambon.