Puting disyerto
Sa unang tingin sa 300-sq-km national park ng White Desert, aakalain mong nasa pelikula ka na Alice through the looking-glass na pinagbidahan ni Johnny Depp.
Sa layong 20km pa-northeast sa Farafra kasi, matatagpuan mo ang bultu-bultong buhangin na halos kakulay na ng chalk sa sobrang puti at pino. Meron ding mga sculptural formations dito na maganda bisitahin tuwing takipsilim at bukang liwayway, ‘pag kasi natamaan sila ng sinag ng araw, nagkukulay orange-pink ito. Kapag naman nasinagan ito ng liwanag ng buwan, nagbabago ang hugis nito dahil na rin sa anino.
Ang mga puting buhangin na nakapalibot sa nasabing lugar ay merong quartz at iba’t ibang klase ng deep-black iron pyrites at mga maliliit na fossils.
Sa layo namang 50km north, matatagpuan ang dalawang flat-topped mountains na kilala sa tawag na Twin Peaks, susi ito sa navigation point para sa mga traveller.
Kamangha-mangha ang view mula sa tuktok ng bundok na ito, na pinapaligiran din ng symmetrical hills na mistulang malalaking ant hills.
Sa kabila naman nito, meron kang dadaanang hagdan na kilala naman sa tawag na Naqb As Sillim (Pass of the Stairs), ito ang pinakadaanan papunta sa Farafra depression at dulo ng White Desert.
- Latest