Nobyo nagyaya ng secret marriage

Dear Vanezza,

Nagyaya na ang BF ko na magpakasal kami. Pero ang gusto niya ay  secret marriage muna. Ang katuwiran niya ay wala pa kaming sapat na pera. Hindi naman ako naghahangad ng malaking kasalan. Ang mabigyan kami ng basbas sa aming pagsasama ay sapat na sa akin. Feeling ko tuloy ay hindi proud sa akin ang BF ko dahil sa gusto niyang itago ang kasal namin. Paano ko ba siya makukumbinsi na gawing open na lang ang kasal namin? – Jessica

Dear Jessica,

Hindi naman kailangan ng secret marriage kahit walang pera. Ang mahalaga ay malaman na legal ang inyong pagsasama lalo na ang iyong pamilya. Kausapin si BF na sabihin na hindi kailangan ng bonggang handaan. Kundi kahit kayo lang ng iyong pamilya kaysa itago ang inyong pagpapakasal.

Sumasainyo,

Vanezza