Linya at payo na laging sinasabi ng iyong guro

“Isa sa mga hindi ko malilimutang linya ng aking teacher ay ang ‘finished or not finished, pass your papers’. Hahaha. Sinasabi ito sa tuwing matatapos na ang exam. Ito rin yung mga oras na kinakabahan na ako kasi hindi pa ako tapos kaya hinuhulaan ko na lang ang sagot. Nakakatawa sa tuwing naaalala ko...” - Leo, 31

“Hinding-hindi ko makakalimutan ‘yung sinabi ng professor ko nung college. Ang sabi niya, kailangan daw na ang bawat isa raw sa atin ay may advocacy. Isa raw iyon sa purpose natin sa buhay. Na-inspire at napaisip ako sa sinabi niyang iyon. Kaya inisip kong mabuti ang adbokasiya ko, at yun ay ang tumulong sa mga matatanda sa abot ng aking makakaya.” - Lar, 28

“Bring your parents with plastic cover. Wahaha. Sinasabi ito ni ma’am tuwing may ginagawa kaming kalokohan at ipadadala sa guidance office.” - Nate, 25

“Tumatak talaga sa akin ang sinabi ng teacher ko nung elementary na daig daw ng taong may pinag-aralan ang taong marespeto at magalang. Kaya swerte ka kapag may pinag-aralan ka, magalang ka pa.” - Lui, 32

“During our college days, ang pinakatumatak sakin na sinasabi ng mga prof namin ay ‘get 1/4 sheet of paper, may exam tayo’. Automatic na ‘to pagpasok ni sir. Ang exam ay tungkol sa last meeting kaya kung hindi ka nakinig o pumasok nun, bokya ka agad. Wahaha.” - Bobsie, 29