Emosyon tuwing tag-ulan

Napansin n’yo ba na tuwing pumapatak ang ulan, pati ang mood natin ay bumababa rin? Parang yung sa kanta ng Carpenters na “Rainy days and Mondays always get me down.” Nasisira ba talaga ang mood natin?

Ang verdict ay oo, tuwing pagbuhos ng ulan kasabay ng masamang  panahon ay maaaring makaapekto ng negatibo sa ating emosyon ayon sa isang pag-aaral. May mga taong pasok sa category ito na ayaw nila ang rainy season. Ang mga taong ito ay mas irritable at hindi masyadong masaya kapag umuulan.

Sa research, mas maraming nababasang negatibong post sa Facebook tuwing tag-ulan. Kadalasan inaabot ng 67 days ang araw ng pag-ulan sa buong taon ayon sa clinical psychologist. May mga tao na kapag nagsimula nang dumilim ay mas madaling maging feeling down o malungkot. Karaniwang makikita sa kanila ang pagbabago ng mood, nagiging malungkutin, at mababa ang self-esteem.

Kapag madaling mag-shift ang mood tuwing panahon ng tag-ulan may tendency na humiga sa kama at patayin ang ilaw lalo na kung bagyo. Puwede itong labanan na i-turn on ang ilaw. Ayon sa research, ang liwanag ay nagbo-boost ng serotonin na nagpapataas ng mood.