Saan nga ba Galing ang Adobo?
Nangunguna sa listahan ang adobo kapag napag-uusapan ang mga pagkaing Pinoy.
Ganun pa man, hindi nagkakaisa ang mga eksperto na ang adobo ay native o nag-ugat sa Pilipinas.
Ayon sa historian na si Carmen Nakpil ng FilipiKnow, maaaring nanggaling sa mga Mexico ang adobo kung saan ang ibig sabihin nito ay pagkaing niluto sa katas ng lemon sa halip na suka kasama ang iba pang pampaanghang.
Naipasa umano ang recipe nang magpunta rito sa Pilipinas ang mga Mexicano.
Maaaring ginaya na ito ng mga Pinoy at nilagyan ng sarili nilang tatak ang pagkain at ‘yun na nga ay ang nakaugaliang luto ng adobo sa asin/toyo kasama ang suka.
Samantala, ang iba naman ay naniniwalang nag-ugat ang adobo sa mga Español.
Nagmula ang salitang adobo sa Spanish word na adobar na ang ibig sabihin ay i-marinate o ibabad na siyang pangunahing paraan sa pagluluto ng paborito nating ulam.
Hanggang ngayon ay may iba’t ibang kwento kung saan nanggaling ang adobo pero isa lamang ang tiyak - hindi na ito mawawala kailanman sa kasaysayan ng Pilipinas.
- Latest