Bumusina!

Honored and humbled si Isko Moreno nang alukin siyang maging dagdag na host ng bagong Eat Bulaga.

“Mahirap fill-up-an at pantayan ang naibigay na legacy ng Tito, Vic and Joey sa buhay nating Pilipino.

“It’s really a big challenge na sumuot sa sapatos nila!

“Hindi man natin mapantayan, ang importante ay magpatuloy ang pagpapasaya ng tao thru Bulaga, GMA 7,” pahayag ni Isko bago sumalang ng interview ng Marites University hosts.

Ayon kay Isko, nagpaabiso siya in advance kina Tito, Vic and Joey, “As a matter of respect through a common friend. Sabi ng kabigan ko sa reaction, ‘Okey lang.’

“Kasi we treat each other with mutual respect. I respect them. Tayong mga Pilipino, naging buhay na natin ang Tito, Vic and Joey,” saad pa niya.

Nagsisilbing homecoming na rin ni Isko ang pagpasok sa Bulaga sa GMA. Produkto siya ng That’s Entertainment at GMA Supershow ng kanyang yumaong mentor na si German Moreno.

Ano naman masasabi niya na sa kanyang pagpasok eh pawang positibo ang natanggap niyang feedbacks habang sa ibang host eh negatibo.

“Unang-una, work is work! Binigyan sila ng opportunity to work.

“Maraming adjustment kasi mayroon tayong nakasanayan. ‘Yung adjustments take time.

“That’s why TAPE, Inc., the creative team production staff and the hosts, are trying to create a different noon time show,” sey pa ni Isko.

Eh may kontrata ba siyang pinirmahan sa TAPE?

“They are very professional!” deklara ni Isko.