MMK, may 30th Anniversary treat sa ASAP natin ‘to
MANILA, Philippines — Unlimited ang saya dahil sa mga inihandang world-class treat ng mga Kapamilya idol, tulad ng 10Q kick-off ni Angeline Quinto, King of Pop transformation ni Darren, new single performance mula sa BINI, at ang enggrandeng 30th-anniversary celebration ng Maalaala Mo Kaya ngayong Linggo (Oktubre 17) sa ASAP Natin ‘To sa Kapamilya Channel, A2Z, at TV5.
Huwag palampasin ang enggrandeng 30th anniversary celebration ng Asia’s longest-running drama anthology series na Maalaala Mo Kaya sa pangunguna ng new theme song rendition ni JM Yosures, at ang inspiring kantahan kasama ang OPM idols na sina Ogie Alcasid, Erik Santos, Kyla, Darren, KZ, Klarisse de Guzman, Jason Dy, Nina, Zsa Zsa Padilla, at Regine Velasquez na may kasamang special guest appearance pa mula kay Charo Santos-Concio.
Aarangkada ang 10Q treat ng Power Diva na si Angeline sa kanyang kick-off number kasama ang singing champions na sina Erik Santos, Jed Madela, Elha Nympha, Jason Dy, Janine Berdin, JM Yosures, at Yeng Constantino. Tuloy-tuloy rin ang kantahan sa New-Gen Birit sing-off nina Reiven Umali, Lara Maigue, Sam Mangubat, Anthony Castillo, at Sheena Belarmino.
Kaya pasayahin ang weekend mood sa inihandang party treats mula sa inyong ASAP Natin ‘To family, kasama sina Janella Salvador, iDolls, Robi Domingo, Karina Bautista, Aljon Mendoza, Edward Barber, Jameson Blake, Charlie Dizon, at iba pa.
Makihataw naman sa nagbabagang sayawan kasama ang trending Kapamilya dance hotties na sina AC Bonifacio, Loisa Andalio, Enchong Dee, Jeremy Glinoga at Ronnie Alonte, at humanda sa isa pang pasabog na new single performance mula sa on-the-rise P-Pop group na BINI.
- Latest
